دەربارەی لونا

ستایش بۆ خوای گەورە، پەروەردگاری جیهانیان، ئەوەی کە زانست و زانیاریی فێری مرۆڤ کرد و ڕێگای گەشە و پێشکەوتنی نیشان دا. سەلات و سەلام لەسەر پێغەمبەری ئیسلام، محەمەد (ﷺ)، و هاوەڵان و شوێنکەوتوانی تا ڕۆژی دوایی.

بە خۆشحاڵییەوە ئێمە ڕادەگەیەنین بە فەرمی وێبسایتی لونا سابتايتڵ کرایەوە؛ پڕۆژەیەک کە بە مەبەستی خزمەتکردنی زمانی کوردی و پێشکەشکردنی ژێرنوسی کوالێتی بۆ فیلم، زنجیرە، بەڵگەنامە و ناوەڕۆکی جۆراوجۆر دروست کراوە.

ئامانجی سەرەکی لونا سابتايتڵ ئەوەیە کە بینەران بتوانن بە ئاسانی و بە ژێرنوسی دروست و ڕێکوپێک، لە ناوەڕۆکی جیهانی سوودمەند بن. باوەڕمان وایە زمان بناغەی ناسنامەی نەتەوەیە، بۆیە هەوڵ دەدەین بە هەموو توانامان خزمەتی زمانی کوردی بکەین و ناوەڕۆکی باش و متمانەپێکراو بگەیەنین بە خوێنەران و بینەران.

لونا سابتايتڵ تەنها وێبسایتێکی ژێرنوس نییە، بەڵکو کۆمەڵگەیەکە بۆ هەموو ئەوانەی حەزیان بە فیلم و زنجیرە و فێربوون هەیە. ئێمە هەوڵ دەدەین بە شێوەیەکی بەردەوام ژێرنوسی نوێ زیاد بکەین و کوالێتی کارەکانمان بەرزتر بکەین، بۆ ئەوەی بەکارهێنەران باشترین ئەزموونی بەکارهێنان بەدەست بهێنن.

سوپاس بۆ هەموو ئەو کەسانەی پشتگیری ئەم پڕۆژەیە دەکەن و بە هەوڵ و ئامادەبوونیان یارمەتیمان دەدەن. هیوادارین لونا سابتايتڵ ببێتە سەرچاوەیەکی گرنگ بۆ هەموو خۆشەویستانی ناوەڕۆکی وەرگێڕدراو بە زمانی کوردی.